واجد علی سید
امریکی صدر جو بائیڈن نے اقوام متحدہ کے فورم سے دنیا کو متنبہ کرتے ہوئے کہا کہ” پاکستان کا بیشتر حصہ ابھی بھی زیر آب ہے۔ اسے مدد کی ضرورت ہے “ اور ہم سب کو اکٹھے ہو کر “موسمیاتی تبدیلی کی انسانی قیمت” کو روکنے کے لیے اپنی کوششیں کرنی چاہیں۔
صدر جوبائیڈن نے مزید کہا کہ یہ بات درست ہے کہ ہم پہلے ہی ماحولیاتی تبدیلی کے بحران میں رہ رہے ہیں۔ لیکن میں اس بین الاقوامی پلیٹ فارم پر واضح کرنا چاہتا ہوں کہ پاکستان میں غیر معمولی سیلاب اور مشرقی افریقہ میں غیر معمولی خشک سالی اس بحران کی تصویر بن گئےہیں۔
مون سون کی تباہ کن بارشیں جس سے پاکستان کا ایک تہائی حصہ سیلاب میں ڈوب چکا ہے، اس بات کا اشارہ ہے کہ دیگر ممالک بھی دنیا بھر میں ہونے والی موسمی تبدیلیوں کے لیے یکساں طور پر خطرے سے دوچار ہیں۔ پاکستان کے بیشتر حکام، اعلیٰ حکومتی رہنماؤں سے لے کر امریکہ میں موجود ملک کے نمائندوں تک، بین الاقوامی برادری پر زور دے رہے ہیں کہ وہ اب منصوبہ بندی اور گفتگو سے نکل کر عملی اقدامات اٹھانے کی طرف آئیں۔
جیسا کہ مندرجہ بالا سفارشات سے ظاہر ہوتا ہے کہ پاکستان نے بحیثیت ملک کبھی بھی ماحولیاتی تبدیلیوں کو سنجیدہ لیا ہی نہیں اور نہ کوئی اقدامات اٹھائے۔ حالیہ سیلاب سے ہونے والی تباہی کا موازنہ 2010 میں پاکستان میں ہونے والی تباہی سے کرنا ناگزیر ہے۔ فی الحال آبادی کے غیر معمولی اضافے کے باوجود 33 ملین کی آبادی متاثر ہوئی ہے۔ 2010 میں متاثرہ آبادی دو کروڑ کے لگ بھگ تھی۔
پھر ایسا کیا ہوا کہ ہم 2010 کے سیلاب سے کوئی سبق نہ حاصل کر سکے؟
پاکستانی ریاست مستقبل کی کسی بھی آفات کے لیے طویل مدتی حکمت عملی تیار کرنے یا اس پر عمل درآمد کرنے میں ناکام رہی ہے۔ ہنگامی پناہ گاہوں کی تعمیر سے لے کر تعمیر نو اور مستقل بحالی کے لیے وسائل کے استعمال کو بہتر نہیں بنایا گیا ، اور کم سے کم وقت میں وسائل کو ضائع ہونے سے بچاؤ اور دیگر اقدامات نہیں اٹھائے گئے۔ اس وقت قوم جس سیلاب کی تباہی اور تباہی کا سامنا کر رہی ہے اس کی شدت کو کم کیا جا سکتا اور زیادہ منظم طریقے سے نبٹا جا سکتا تھا۔
ماہرین اور تنظیمیں جنہوں نے 2010 کے سیلاب کی بحالی کے عمل میں اہم کردار ادا کیا تھا بنیادی طور پر یہ دلیل دیتے ہیں کہ اس کے بعد سے شفافیت اور احتساب، کمیونٹی کی شرکت اور سیاسی عزم کا کوئی وجود نہیں ہے۔ ان کا اصرار ہے کہ اس دوران ڈیزاسٹر رسک مینجمنٹ پروگرام کو کسی بھی قومی یا صوبائی ترقیاتی منصوبے میں شامل نہیں کیا گیا۔ یہ منصوبے انسانی امداد اور سیلاب سے متعلق امدادی تنظیموں نے ضلع کی سطح تک تجویز کیے تھے۔
اس پر غور کریں کہ اقوام متحدہ کے پلیٹ فارم فار سپیس بیسڈ انفارمیشن فار ڈیزاسٹر مینجمنٹ اینڈ ایمرجنسی ریسپانس (یواین ۔ سپائیڈر) اور پاکستان کے اپنے اسپیس اینڈ اپر ایٹموسفیئر ریسرچ کمیشن (سپارکو) نے 2010 میں ایک مشترکہ پیپر ،( 2010 کے سیلاب سے کیا سیکھا گیا) کے نام سے شائع کیا، اس بات کا خاکہ پیش کرتے ہوئے کہ پاکستان کے لیے “خطرے میں کمی کو بہتر بنانے کے لیے اپنی کوششوں کو یقینی بنانے کے لیے، سیلاب کے انتظام اور سیلاب کے خطرات کی تشخیص اور منصوبہ بندی کے ساتھ اس کے باہمی تعلقات کے ساتھ مل کر ریموٹ سینسنگ اور “جی آئی ایس” ٹیکنالوجیز کے استعمال کے ذریعے بڑی بہتری لانی ہوگی۔ “
پاکستانی حکام کو معلوم تھا کہ آگے کیا ہونے والا ہے لیکن اس کے بارے میں حکومت کے پاس کوئی واضح پلاننگ یا حکمت عملی ہی نہیں تھی۔
اسی دوران،یواین ہیبی ٹیٹ اور این ڈی ایم اے نے اسلام آباد میں دو روزہ نیشنل کانفرنس برائے ڈسزاٹر کا انعقاد کیا، جس میں بار بار اس بات کا ذکر کیا گیا کہ اتنی زیادہ ہلاکتوں اور وسیع پیمانے پر تباہی کی ایک بڑی وجہ منصوبہ بندی کا فقدان تھا۔ پاکستان پہلے ہی گزشتہ چند سالوں میں قدرتی آفات کے ایک ہجوم سے گزر چکا ہے جس نے پوری قوم کو غیر محفوظ بنا دیا تھا اور اس پر توجہ دینے کی ضرورت تھی۔
کانفرنس کی دستاویز کے مطابق “بلڈنگ کوڈز کے نفاذ، زلزلہ کے لحاظ سے محفوظ تعمیراتی طریقوں، شہری اور دیہی منصوبہ بندی، ماحولیاتی غور و فکر اور صلاحیت کی تعمیر میں متفقہ طور پر مناسب منصوبہ بندی کی ضرورت پر زور دیا گیا ،” اور مزید کہا گیا کہ “ عام مشاہدے کے مطابق ایسی کسی بھی منصوبہ بندی پر عمل درآمد نہیں کیا جاتا جس سے خرابیاں پیدا ہوتی ہیں ۔
کانفرنس میں شرکت کرنے والے تمام ماہرین کی بنیادی تشویش حکومتی، ادارہ جاتی، تنظیمی، اور کمیونٹی کی سطح پر تیاری کا فقدان تھا جس نے شاید قدرتی آفات کے اثرات کو اتنا وسیع اور تباہ کن بنا دیا۔ پاکستان کو مستقبل میں مزید آفات سے محفوظ بننے میں مدد دینے کے لیے عملی سفارشات مرتب کیں ۔
جیسا کہ ظاہر ہے ان سفارشات پر عمل درآمد نہ کیا گیا۔
کمزور گورننس مجوزہ پالیسیوں کے نفاذ کو متاثر کرتی ہے اور اس کے نتیجے میں کسی بھی پائیدار بحالی کی کوششوں کو ناکام یا نامکمل بناتی ہے۔ زمین کے مناسب استعمال، منصوبہ بندی اور ترقی کا فقدان اس وقت اور اب بھی زیادہ تر علاقوں میں تباہ کن اثرات کا باعث تھے۔ جیسا کہ کانفرنس کی دستاویز نے اس بات پر زور دیا کہ اختیارات کی یکساں تقسیم کی وجہ سے بہت سی مقامی حکومتیں نازک اوقات میں فیصلے کرنے یا ان پر عمل درآمد کرنے سے قاصر ہیں۔
اس بار بھی کچھ ایسا ہی ہو رہا ہے۔ موجودہ 2022 کی سیلاب کی تباہ کاریوں سے سیکھنے کے لیے مزید سبق ہیں۔ لیکن کیا یہ پاکستان کو مستقبل کی قدرتی اور انسانی ساختہ آفات کے حوالے سے مزید لچکدار بنا سکیں گے۔ تاہم، اقوام متحدہ کی جنرل اسمبلی کے اجلاس میں شرکت کرنے والا اعلیٰ سطحی پاکستانی وفد یہ پراپیگنڈا کرتا رہا ہے کہ ملک خوفناک عالمی ماحولیاتی بحران کا شکار ہے۔ اس کے پس منظر میں یہ بیانیہ بھی پیش کیا جا رہا ہے کہ پاکستان نے اس موسمیاتی بحران میں حصہ ڈالنے کے لیے کچھ نہیں کیا جس کا ملک اس وقت سامنا کر رہا ہے۔
یہ جزوی طور پر درست ہے، یا شاید صرف اس لحاظ سے کہ پاکستان سب سے کم کاربن اخراج کرنے والوں ملکوں میں سے ایک ہے۔ لیکن پاکستانی حکام اس حقیقت سے صرف نظر نہیں کر سکتے کہ موجودہ تباہی میں زیادہ تر پاکستانی ریاست کا اپنا قصور بھی تھا کیونکہ تیاری، جوابدہی، نیز پالیسی پر عمل درآمد کی عدم موجودگی، یہاں تک کہ تقسیم، حکمرانی اور سیاسی عزم کا بھی فقدان ہے۔
پاکستان نے کچھ نہیں کیا، اگر کوئی اسے دلیل کے طور پر لے، لیکن پھر یہ کہ کئی سالوں سے کچھ بھی نہیں کرنا موجودہ سیلاب کی تباہ کاریوں میں بہت زیادہ حصہ ڈالا ہے۔
انگریزی سے ترجمہ
