عائشہ صدیقہ
لندن کے شمال میں تقریباً 140 کلومیٹر کے فاصلے پر واقع ایک قصبہ لیسٹر میں ہندوؤں اور مسلمانوں — یا ہندوستانی ہندوؤں اور پاکستانی مسلمانوں — کے درمیان حالیہ جھڑپ ان بہت سے چہروں میں سے ایک ہے جو مستقبل کی برطانوی سیاست کو پورا کرنا پڑے گی۔ درحقیقت، یہ زہر دیگر شہروں میں بھی پھیل چکا ہے۔
اگست کے آخر میں دبئی میں کھیلے گئے ایشیا کرکٹ کپ میں ہندوستان اور پاکستان کے درمیان دو کرکٹ میچوں پربرطانیہ میں شروع ہونے والی نسلی کشیدگی قابو سے باہر ہو گئی۔ دونوں کمیونٹیز کے سوشل میڈیا اکاؤنٹس اپنی اپنی کہانی سناتے ہیں۔ لیکن حقیقت یہ ہے کہ دونوں فریق تصادم کے لیے تیار تھے۔ ایک ہندو ہجوم نے ایک مسلم اکثریتی علاقے میں ‘جئے شری رام‘ کا نعرہ لگاتے ہوئے مارچ نکالا اور شیشے کی بوتلیں توڑنے اور پتھر برسائے جانے کی خبریں آئیں، جس کے بعد مسلمانوں، خاص طور پر پاکستانیوں کی طرف سے ردعمل دیکھنے میں آیا۔ کاروں اور دکانوں پر حملہ کیا گیا۔ ہندو مذہبی نشانوں کو نشانہ بنایا گیا۔ اگرچہ پولیس کی جانب سےدونوں پارٹیوں کے 47 افراد کی گرفتاریوں کے بعد اب معاملہ کنٹرول کر لیا گیا ہے، لیکن یہ واقعہ برطانیہ میں ہندو مسلم یا ہندو بمقابلہ مسلم انتہا پسندی کے مستقبل کے بارے میں حیران کن اور اشارہ دینے والا تھا۔
نوے کی دہائی کی کڑوی گولی
مسلم اور ہندو برادری کے رہنماؤں نےمفاہمتی بیان جاری کیے ہیں ۔ مقامی پولیس کا خیال تھا کہ سوشل میڈیا ایک اہم عنصر ہے، لیکن ہندو وں اور مسلمانوں میں فرقہ وارانہ تنازعہ کی مضبوط بنیادیں موجود ہیں اور یہ فساد لیسٹر یا کسی اور قصبے میں دوبارہ بھی رونما ہو سکتا ہے۔ درحقیقت، دونوں طرف کے ہجوم صرف مقامی نہیں تھے بلکہ بہت سے ذرائع نے یہ بھی دعویٰ کیا کہ وہ لندن اور برمنگھم جیسی دوسری جگہوں سے آئے تھے۔ یہ برطانیہ یا یہاں تک کہ لیسٹر میں بھی ہندو مسلم فرقہ وارانہ کشیدگی کا کوئی پہلا واقعہ نہیں تھا۔
سنہ 1992 میں پہلی بار ایسا واقعہ ایودھیا میں بابری مسجد کی تباہی کے بعد ہوا تھا۔ تشدد کا یہ سلسلہ سات دنوں تک جاری رہا جس میں لندن اور مڈلینڈز میں 12 سے زیادہ مندروں پر حملے کیے گئے جس کے نتیجے میں مسلمانوں کی مساجد کے خلاف جوابی حملے ہوئے، جس میں پیٹرول بم کا استعمال بھی شامل ہے۔ اگرچہ، اپروپا کانڈو نے جریدے امیگرنٹس اینڈ مینارٹیز میں شائع ہونے والے اپنے مقالے میں دلیل دی ہے کہ ایودھیا کے بعد کے تشدد کے ہفتہ نے یوکے کی “ایشیائی کمیونٹی کو فرقہ وارانہ جھگڑوں سے متاثر نہیں کیا اور بعدازاں دونوں کمیونیٹیز میں اچھے تعلقات پر منتج ہوا“۔
حقیقت یہ ہے کہ 90 کی دہائی میں بہت سے ایسے واقعات کا آغاز ہوا تھا جس کی وجہ سے لیسٹر میں تشدد کی موجودہ لہر شروع ہوئی۔برطانوی ریاستی سیاست نے واضح طور پر مذہبی فرقہ واریت کی حوصلہ افزائی کی، انتہا پسندی کی بے روک ٹوک نمو، مختلف کمیونٹیز کے درمیان تیزی سے بڑھتی ہوئی سماجی و اقتصادی تفاوت، اور ریاستوں کی بدلتی ہوئی نوعیت کی وجہ سے لیسٹر میں ہونے والاہندو مسلم فساد ناگزیر تھا۔
برطانیہ، میں یکے بعد دیگرے آنے والی کنزوریٹو پارٹی کی حکومتوں نے نادانستہ طور پر انتہا پسندی کی حوصلہ افزائی کی۔ بلکہ نوے کی دہائی سے پہلے ہی کنزرویٹو حکومت کی پالیسی کے نتیجے میں ، فرقہ وارانہ تعلیم اور اسکولوں کی حوصلہ افزائی کی وجہ سے انتہا پسندی میں اضافہ شروع ہو گیا تھا۔ مارگریٹ تھیچر کی حکومت نے ، عوام کو لیبر پارٹی سے دور کرنے کی خواہش میں ، فرقہ وارانہ تعلیم میں سرمایہ کاری کی جس سے مذہبی تعلیم کی حوصلہ افزائی ہوئی۔ 1980 اور 1990 کی دہائیوں کے جغرافیائی سیاسی حالات نے برطانیہ میں مختلف انتہا پسندوں کو اکٹھا کیا۔
سابق سوویت یونین کے خلاف افغانستان کی جنگ میں ایک پارٹنر کے طور پر، برطانیہ نے تمام قسم کے مسلمان ملاؤں کو آزادانہ گھومنے پھرنے اور مذہب تبدیل کرنے کی اجازت دی۔ اس عرصے کے دوران مسعود اظہر سمیت بہت سے لوگوں نے برطانیہ کا دورہ کیا۔ یہ مسلم ایشیائی آبادی کی نفسیاتی تبدیلی کا دور تھا جس میں بنیادی طور پر میرپور کے پاکستانی، سلہٹ کے بنگالی اور گجرات کے مسلمان شامل تھے۔ایودھیا کے بعد کا تشدد کا ہفتہ، اس لیے ناگزیر تھا۔
مسلم گروپوں نے سلمان رشدی کی شیطانی آیات کے خلاف بھی احتجاج کیا جس میں برطانوی مسلم کمیونٹی کا اہم کردار تھا۔ یہ برطانیہ کا ایک وفد تھا جو ایرانی آیت اللہ کو رشدی کے خلاف فتویٰ جاری کرنے پر قائل کرنے گیا تھا۔ یہاں تک کہ برطانیہ میں ایشیائی مسلم رہنماؤں نے نوجوانوں کا مورال بلند کرنے کے ارادے سے ایک مسلم پارلیمنٹ کے قیام کی بات بھی کی جو اس وجہ سے گرا ہوا تھا کہ دنیا مسلم کمیونٹی کو کس طرح دیکھتی ہے۔افسوس کی بات ہے کہ اس عمل میں، برطانوی مسلم رہنماؤں نے زیادہ قدامت پسندی کو جنم دیا لیکن کمیونٹی کی سماجی اقتصادی بہتری کے لیے کچھ نہیں کیا۔ لہٰذا، فرقہ وارانہ اضطراب، خاص طور پر نوجوانوں میں، ہندو برادری کے مقابلے میں عدم تحفظ کے احساس سے بھی متاثر ہے۔
لیسٹر میں جن مسلمانوں سے میں نے بات کی ان میں سے کچھ نے افسوس کا اظہار کیا کہ پاکستانی تارکین وطن ہندوستانیوں کی طرح اپنے بچوں کو تعلیم اور سرکاری ملازمتوں کی طرف ترغیب نہیں دیتے، جس کے نتیجے میں سماجی و اقتصادی تفاوت بڑھتا ہے۔ سول سروس میں زیادہ ہندوستانی اور ہندو ہیں۔ ہوم آفس اور پولیس جیسی خدمات میں فرقہ وارانہ عدم توازن سے مسلم کمیونٹی سب سے زیادہ متاثر ہوتی ہے۔ لیسٹر میں، وہ پہلے ہی پولیس کے توازن کا انتظام نہ کرنے کے بارے میں بات کرتے ہیں۔ مسلم آبادی مقامی مسلم رہنماؤں پر الزام عائد کرتی ہے کہ انہوں نے مساجد اور مذہبی مراکز کی تعمیر کے علاوہ کمیونٹی کے لیے بہت کچھ نہیں کیا۔
مسلمانوں کا یہ خوف دراصل حقیقی زندگی میں فرقہ وارانہ سطح پر ظاہر ہوتا ہے۔ اور یہ خوف مزید بڑھے گا کیونکہ بھارت اور برطانیہ کے درمیان بڑھتے ہوئے تعلق کی وجہ سے ہندو برادری کو مزید اثر و رسوخ حاصل ہو رہا ہے۔ بی جے پی کے حامی گروپوں کا 2019 کے انتخابات میں کنزرویٹو پارٹی کے فائدے میں ووٹ لانے کے لیے مندروں کا مربوط استعمال یا آزاد تجارتی معاہدے پر دستخط کرنے کے لیے دہلی پر برطانوی انحصار یقیناً دو طرفہ تعلقات کے لیے اچھا ہے لیکن برطانیہ میں فرقہ وارانہ تعلقات پر اس کا اثر نظر انداز نہیں کیا جا سکتا۔ہندوستانی ریاست کی جانب سے ہندو برادری کے خلاف تشدد کی صرف مذمت کرنا اور تحمل کا مشورہ نہ دینا صرف اس بات کی نشاندہی کرتا ہے کہ معاملات کس طرح اوپر جائیں گے۔ ایک کمیونٹی کا دوسرے کے خلاف زیادہ تکبر عدم تحفظ اور اس وجہ سے مزید تشدد کو ہوا دے سکتا ہے۔
یاد رہےکہ برطانیہ میں ہندوستان کے ان علاقوں، دمن اور دیو، سے بڑی تعداد میں کم عمر ہندو مہاجر وں کی نئی کھیپ آئی ہے جہاں مسلمانوں کے خلاف جذبات کی بہتات ہے اور یہ مسلم نوجوانوں کے لیے لمحہ فکریہ بھی ہے۔میں نے جن لوگوں سے بات کی ان میں سے کچھ نے کہا کہ ہندو اور مسلم کمیونٹیز عام طور پر امن کے ساتھ رہتے ہیں لیکن ہندو امیگرینٹس کی نئی کھیپ ایک نئے ماحول کو جنم دے رہی ہے۔ بھارت میں جو ہندو مسلم تصادم نظر آرہا ہے تھوڑے بہت فرق کے ساتھ برطانیہ میں بھی یہ تصادم شروع ہو سکتا ہے۔ عالم اسلام بمقابلہ ایک نئے عالمگیر ہندو ازم نہ صرف برطانیہ کی دائیں بازو کی سیاست کو مضبوط کرے گا بلکہ ایک ایسا بوجھ ڈالے گا جسے سابق نوآبادیاتی ریاست اٹھانے کے قابل نہیں ہوسکتی ہے۔
اب جب کہ ملکہ الزبتھ دوم چلی گئی ہے، بہت سے لوگ سوچ رہے ہیں کہ کیا کنگ چارلس سوم ملکہ کی سیاسی میراث کو قائم رکھ سکیں گے۔کیا برطانوی ریاست اور سیاست اس کردار کی ہو گی جو کسی تاریخی ادارے کے لائق ہے؟ سیاست کی موجودہ نوعیت کو اوپر اور معاشرے میں دیکھ کر فوری طور پر چیلنجز کا شعور آجاتا ہے۔ ٹوریز (کنزرویٹوز) کی سیاست اور برطانوی معیشت کو فروغ دینے کی ضرورت سیاسی طبقے کی حل تلاش کرنے کی صلاحیت سے زیادہ مسائل پیدا کر سکتی ہے۔
تاہم، جنوبی ایشیائی ریاستوں کو اس غلط فہمی میں نہیں رہنا چاہیے کہ یہ صرف برطانیہ تک ہی محدود رہے گا۔اس کے نتائج ان کے لیے بھی ہوں گے۔
انگریزی سے ترجمہ: بشکریہ دی پرنٹ
