یہودی دنیا کی آبادی کو کم کرنا چاہتے ہیں: ڈاکٹر مجاہد کامران کا انکشاف

پنجاب یونیورسٹی کے وائس چانسلر کو یقین ہے کہ یہودی دنیا کی آباد ی کو اپنے کنٹرول میں لانے کے لیے اس کی تعداد 7 بلین سے کم کرکے ایک بلین کرنا چاہتے ہیں۔

پنجاب یونیورسٹی کے وائس چانسلر ڈاکٹر مجاہدکامران نے بدھ کو کہا کہ نیو ورلڈ آرڈر چند یہودی خاندانوں کی ڈکٹیٹر شپ ہے جو جنگیں مسلط کرکے دنیا کی آبادی کو 7 بلین سے کم کرکے ایک بلین کرنا چاہتے ہیں۔

انہوں نے کہا کہ پچھلے 65 سالوں میں 750 ملین مسلمانوں کی اموات جنگوں، قحط اور صحت کی ناکافی سہولتوں کی وجہ سے ہوئیں حالانکہ ان کی زندگی بچائی جا سکتی تھی ۔

انہوں نے کہا کہ مغربی کارپوریشنز امریکہ، چین اور روس کے درمیان جنگ کروانا چاہا رہی ہیں۔

اورئینٹل کالج پنجاب یونیورسٹی کے دوسرے سالانہ کانووکیشن ،منعقدہ شیرانی ہال اولڈ کیمپس ، سے خطاب کرتے ہوئے ڈاکٹر مجاہد کامران کا کہنا تھا کہ یہ یہودی خاندان دنیاکے سب سے اہم کمرشل اور سنٹرل بینکوں اور وہاں رکھی دولت کے مالک ہیں ۔ ان کی دولت دنیا کی جی ڈی پی سے بھی زیادہ ہے۔

انہوں نے بغیر کوئی حوالہ دیتے ہوئے کہا کہ امریکہ کی جی ڈی پی 17 ٹریلین ڈالر ہے جبکہ صرف ایک یہودی خاندان ’’ روتھ چائلڈ‘‘ کی دولت کا اندازہ 213 ٹریلین ڈالر ہے۔

پاکستان کے اعلیٰ ترین ماہر تعلیم نے کہا کہ یہ چند یہودی خاندان نیٹو کو دنیا میں دہشت گردی کے لیے ہدایات جاری کرتے ہیں۔

ملک کی سب سے بڑی یونیورسٹی کے سربراہ کی حیثیت سے انھوں نے ایک نئی تھیوری پیش کرتے ہوئے کہا کہ فرانس میں حالیہ دہشت گرد حملوں کے پیچھے نیٹو کی ایجنسیاں ہیں کیونکہ فرانس نے نہ صرف لبیا میں فوجیں بھیجنے سے انکار کر دیا تھا بلکہ یوکرائن سے پابندیاں اٹھانے کا مطالبہ بھی کیا تھا۔اس کے علاوہ فرانس نے یونان کے ریفرنڈم میں یورپی یونین کے رکن کی حیثیت سے غیر جانبدار رہنے کا فیصلہ بھی کیا تھا۔

انہوں نے مزید کہا کہ ترکی امریکہ کے لیے وہ کردار ادا کر رہاہے جو پاکستان نے افغانستان کی جنگ میں امریکہ کے لیے کیا تھا۔ انہوں نے کہا کہ نیٹو ایجنسیاں پاکستان میں دہشت گردی کو ہوا دے رہی ہیں تاکہ پاک چائنا اکنامک کاریڈور منصوبے پر عمل درآمد نہ ہو سکے۔

انہوں نے طالب علموں کو ہدایت کی کہ وہ مطالعے کی عادت اپنائیں اور اپنے مضمون میں مہارت حاصل کریں۔

تقریب سے خطاب کرتے ہوئے ڈاکٹر عصمت اللہ زاہد نے وائس چانسلر کا شکریہ اداکرتے ہوئے انہوں نے اورئنٹیل کالج میں عربی، فارسی، پنجابی، اردو اور کشمیری زبانوں کے تحقیقی جرنلز کی اشاعت ، اساتذہ کی کتابوں کی اشاعت ، بین الاقوامی کانفرنسوں کے انعقاد اور کالج میں مشاعروں کے انعقاد کے لیے بھرپور معاونت اور سہولتیں مہیا کرنے میں ان کی خدمات کا تذکرہ کیا۔

یاد رہے کہ ڈاکٹر مجاہد کامران نے2013 میں اپنی کتاب ’’ نائن الیون اینڈنیو ورلڈ آرڈ ر‘‘ میں لکھا تھا کہ نائن الیون کا واقعہ یہودیوں کی سازش تھی۔انہوں نے لکھا ہے کہ نیو ورلڈ آرڈر  کے موضوع پر امریکی مصنفین نے بے تحاشا لکھا ہے اور ثابت کیا ہے کہ القاعدہ سی آئی اے کا اثاثہ ہے۔

Pakistan Today